شغلت حادثة تعرض رحمة حسن لهجوم من قبل كلب شرس في الشارع الرأي العام المصري والعربي من متابعي الممثلة المصرية، حيث تعاطف معها كثيرون.
إذ كشفت الفنانة رحمة حسن عن هجوم كلب شرس وضخم عليها خلال سيرها في الشارع قرب منزلها، موضحة أن الإصابة التي تعرّضت لها جاءت في منطقة حساسة من جسمها حسب وصفها.
View this post on Instagram
وفي منشور عبر انستقرام تمّ وصف تعرض رحمة حسن لهجوم بحسب ما روت الأخيرة حيث قالت "مبارح الساعة 11 بليل كنت نازله أجيب حاجه من السوبر ماركت، جمب البيت، وكنت ماشية على الرصيف وكان في عربية بتركن جمبي عادي، فجأة الباب اتفتح ولقيت كلب (جيرمن شيبرد) تقريبا مش متأكدة أوي، بيهجم عليا بكل قوته".
وأكدت حسن "طبعاً حاولت أجري لكن للأسف الكلب كان قوي وشرس ووقعني على الأرض، حاولت أقوم وأجري وصاحبته حاولت تشده، بس فك الليش بتاعه وعضني عضه كبيره وغويطه بنابه في منطقة حساسة، صاحبة الكلب كتر خيرها أخذتني فوراً على مستشفي إمبابة، ادوني حقنه تطعيم الكلب ولسه فاضلي 4 هاخدهم خلال شهر بس المشكلة إن من إمبارح الجرح بينزف دم كتير".
وأضافت "أنا طبعا خايفة ومصدومة وتعبانة وعندي تروم من امبارح، والي واجعني أكتر اني مَش عارفه أتصرف ازاي، خصوصاً اني اكيد مَش عايزة الكلب يتأذى، بس كمان مَش عايزة أي انسان كمان يتأذي ويتعض ويتبهدل في الشارع زيي، أنا كنت بشوف الكلب ده دائماً مع صاحبته بتمشي بيه في الشارع جمب البيت عندي، وعشان شكله شرس كنت بامشي بعيد عنه لما بشوفه".
هجوم الكلب في المنام... هل يجب ان يقلقك؟
واستكملت حديثها "امبارح صاحبة الكلب قالتلي متخافيش هو عض ولادي قبل كدا وتمام محصلش حاجة! طبعا أنا اتصدمت لما عرفت إنها مَش أول مره الكلب، يعض حد ومع ذلك هي سايباه عادي في الشارع من غير كمامه أو حد قوي يمسكه، بجد حرام عليكم، الكلب لما بيكون حجمه كبير وشرس بيعتبر سلاح، وصاحبه مسئول مسئولية كاملة عنه ويحاسب علي إهمال مسئوليته، خصوصا لو اهماله تسبب لشخص تاني في أذي بدني يحتاج أكتر من 21 يوم علاج وأذي نفسي ماعرفش هايحتاج قد ايه عشان يخف" .
وفي منشور آخر طمأنت فيه متابعيها إلى تحسّن حالتها، أشارت حسن إلى أنه "بالنسبه للكلب فاحنا اتكلمنا مع صاحبته وطلبنا منها توديه مركز تاهيل وتدريب علشان تعدل سلوكه، وتبعت لنا الورق الرسمي الي بيثبت انها ودت الكلب فعلا ، والا هاعمل محضر .. وساعتها الكلب الي هايتضر ، ودي حاجه ماترضيش حد. وهي كانت متفاهمه جدا و وافقت وقالت انها هاتعمل كدا اول الشهر الجاي، علشان اخوها الي هايوديه ويتولي مسؤوليته".
View this post on Instagram
