فترة زواج شيرين عبد الوهاب وحسام حبيب
خرج حسام حبيب عن صمته وقرّر أن يوضح كل الاتهامات السابقة التي وُجّهت اليه خلال فترة زواجه من شيرين، كاشفاً أسباب أزماته الكثيرة معها وكل ما حدث بينهما وأوصلهما إلى تبادل الاتهامات والطلاق. وأكّد خلال استضافته مع الإعلامية بسمة وهبة في برنامج "العرافة" أنّه اختار الحديث أخيراً لحماية صورته وصورة عائلته من الانتقادات.
وقال حسام:"هي مرحلة وعدت... لكن الناس مستكترين أنها تعدّي عليا... أنا مكنتش بتكلم مش علشان ضعيف أو قليل الحيلة أو ما عنديش ردّ، لكن حفاظاً على العِشرة والأيام اللي عشناها مع بعض دي عندي بالدنيا"، وأضاف: "وكنت مصمّم لآخر نفس أحافظ عليها، لكن الناس مش عايزاني أعدي... أنا مكسِبتش حاجة من القصة دي غير الأذى وعلاقتي بشيرين دمّرتني ودمّرت أهلي وكل اللي حواليه".
حسام حبيب يعود من جديد:
— Gorgeous (@gorgeous4ew) March 11, 2025
علاقتي بشيرين انتهت ولا يمكن أن أرجع لها، أنا كسبت إيه من القصة دي غير الأذى؟ شيرين دمرتني ودمرت أهلي، وعمري ما هرجعلها. pic.twitter.com/31obVwfdi0
حسام حبيب يردّ على اتهام حلق شعر شيرين عبد الوهاب
وردّ المطرب حسام حبيب خلال اللقاء على إتهامه بحلق شعر شيرين عبد الوهاب، وقال: "الدكتور اللي كان بينظم علاقتنا قال لي لما تلاقيها متعصّبة ومتنرفزة قوم وروح مكان تاني... وفي مرّة طلبت مني أسمعها الأغاني بتاعتي ولما سمعتها، عيطت وقالت لي أنت بتعمل أغاني لنفسك أحلى من اللي بتعملها لي".
وتابع حسام: "قلت لها أنت اللي قلتي لي ملكش دعوة بشغلي، وعلى العموم لو عجبوكي خديهم ومن هنا بدأت تتعصّب، فسبتها ودخلت غرفة تانية فوجئت تاني يوم أنها مش موجودة في البيت ولمدّة 3 أيام أنا مش عارف هي فين، لحدّ ما كلمتني وقالت لي تعال، روحت أنا وصديقتنا وصديق لينا على الفندق اللي كانت فيه، وتعاملنا عادي مفيش حاجة"، وتابع: "شيرين جت وقطعت الكلام وقالت لي: "أنت جاي تنكد علينا؟ طلقني لو كنت راجل" وشتمتني قدام صحابنا الموضوع كبر، فقلت لها "هطلقك"... وسبتني ودخلت الحمام قولت هي بتلبس فوجئت إنها حلقت شعرها".
#حسام_حبيب: حسام حلق شعر شيرين…حسام اخد من شيرين…ده لو بيحصل وما سترتش عليا غلطانه بردو ولكن ده بقى بلا…ولا يمكن ان أعود لشيرين !#شيرين_عبدالوهاب pic.twitter.com/bc47VaU7bn
— 📡 𝕏 رادار (@Tweets_Radar) March 11, 2025