عبّر رواد مواقع التواصل الاجتماعي عن آرائهم المختلفة حول أغنية الفنانة أصالة نصري عن بلدها سوريا، وذلك بعد تحريرها من قبضة نظام بشار الأسد خلال الأيام الأخيرة. ومن خلال هذا العمل الفنيّ، عبّرت النجمة السورية عن سعادتها بالأحداث التغييرية.
أغنية أصالة عن سوريا
أصدرت أصالة نصري أغنية جديدة بعنوان "سوريا جنة" معبّرةً من خلالها عن مشاعرها وتعاطفها مع الشعب السوري. ونشرت الفنانة عبر حسابها الرسمي على موقع "فيسبوك" فيديو لعملها الفني الجديد، وهو من كلمات بتول زيدان ويارا أحمد، ومن ألحان وتوزيع علي حسّون.
وعلّقت النجمة أصالة على المنشور بالقول: "مشاعر مُختلطة كلّها قويّة خوف أولاً من إنّه ينسى الواحد فينا شو كنا وشو أصلنا... نحنا كل أهل سوريا بنشبه أهل الحارة اللي بكلّ العالم ما في من هيك حارة"، وأضافت: "الناس فيها مخلوطون من ديانات مختلفة وثقافات مختلفة... وبساطة وشهامة ومحبّة وتسامح... وما في شي حيخلينا نتجاوز ونكبر ونحقّق ونعلى غير التسامح... وما رح نقول مو وقتها لسه الجرح طازه".
وتابعت أصالة في تعليقها المطوّل: "رح نقول نحنا أهل سوريا العظيمة والطيبة... سوريا التاريخ اللي بيعشقها شعبها ودفع دمه فداها... ما بدنا نكمّل مشوار كله دمّ... وكله قهر وبيرجعنا أكتر وبيقهرنا أكتر لأننا بالآخر هون عنا أهل وحبايب... وبدنا نتوحّد وبدنا نعمّر هالبلد الحلوة اللي ما في أحلى من ترابها وشجرها وبيوتها وأهلها الطيبين الحناين".
"لها فضل كبير علي"... تصريح أصالة نصري عن السعودية يثير ضجة كبيرة!
أصالة مشتاقة لدمشق
عبّرت أصالة عن شوقها الشديد لمدينة دمشق، وكتبت: "بدي أقعد على كرسي بساحة من ساحات الشام.. عند بياع الصبارة بدي أشتري فستق حلبي من كلّ البياعين على طريق الربوة... بدي شوف سوريا عروس".
وفي الختام، دعت أصالة نصري إلى بناء الدولة بالحبّ، فقالت: "كللي أمل وكللي ثقه... نحنا لقدّام ورح نكون وما بقى نقبل ما نكون ورح نبنيها بالحبّ لأنّها بس بالحبّ رح تعمّر ورح تعمر".
