باسم يوسف يقف بوجه موجة الهجوم الحاد ويُدافع عن محمد صلاح!

تستمر الإنتقادات بحقّ نجم كرة القدم المصري بسبب الفيديو الأخير الذي نشره عبر حسابه الرسمي على إنستقرام وخصّصة لتوجيه رسالة لأهالي غزّة، ولكن أمام موجة الهجوم صُدم الجمهور بعد دفاع باسم يوسف عن محمد صلاح. 

باسم الذي تصدّر العناوين في الصحافة العالمية والعربية بعد المقابلة التي أطلّ بها على الشاشة مع الإعلامي البريطاني بيرس موررغان، وإنتقد فيها بأسلوبٍ ساخر جداً جرائم إسرائيل بحق شعب فلسطين، ما جعل بيرس مورغين يُنهي تلك المقابلة. 



دفاع باسم يوسف عن محمد صلاح

نشر الإعلامي المصري عبر حسابه الخاص على فيسبوك صورة تجمعه مع صلاح، وليُدافع عنه علّق عليها بالقول: "انتم مش عارفين الدنيا قي العالم برة العالم العربي كانت مشحونة قد ايه. صورة تانية خاااااااااااااالص غير اللي واصلة للعالم العربي. الرواية المتصدرة كانت مرعبة و كان من المستحيل الدفاع عنها تحت اي مسمى لدرجة ان مجرد التعاطف مع المدنيين في حد ذاته تساوي آنك موافق على دبح الاطفال. انا شخصيا صدقت و عشان كده عملت الفيديو اياه بتاع الصورة اللي هنا في الغرب. فاكرينه؟ انزلوا الصفحة دوروا عليه. الناس كانت بتتهكم عليا و تقولي ازاي تصدق كده، تاني انتم مش عارفين الصورة هنا ايه. في انجلترا الصورة مشحونة احترمت امريكا. محمد صلاح لو كان طلع و قال الرسالة اللي في الفيديو اللي مش عاجب ده كان زمانه اندبح".

وليشرح أكثر للجمهور موقف محمد صلاح وعدم تعليقه بالبداية على ما يحدث في فلسطين، أضاف: "اللي بيقول ان الاعتراض على قتل المدنيين فعل انساني مش سياسي زيه زيه العزاء في الملكة؛ لا و الله. صدقني. ما كاين يوم حتى ده كان مش فعل سياسي، لا كان تحريض و احتفال بالارهاب. طب اشمعنى انت يا باسم عملت كده؟ و الله دي مخاطرتي و ده قراري وانا مش عارف ظروف الناس. و كتير، كتير قوي، عدى عليا اوقات وسكت عشان الظروف قوية. قوية قوي. اللي بيمر بظروف صعبة بيقدر. اللي بيتفرج من بعيد سهل يزايد. لو انت عملت حاجة عظيمة و ضحيت، برافو عليك. انت عظيم. انت ملهم ، لكن لو فعلا مريت بالتجربة انت من جواك عمرك ما حتفرضها على حد. يا اخي ده حتى في الانجيل بتناجي ربنا و تدعيه: و لا تدخلنا في التجربة . مش : و نجنا من التجربة. لا بلاش تدخلنا خالص. عشان احنا ضعا، احنا صغيرين قوي، قوي. الواحد بيعمل الحاجة عشان يرضي نفسه مش عشان يتنطط بيها على خلق الله".

بعد إعلان تضامنه مع فلسطين... حملة للمطالبة بإسقاط الجنسيّة الفرنسيّة عن كريم بنزيما!

وبعدها تحدّث باسم يوسف عن الأمور التي تميّز نجم كرة القدم محمد صلاح، ليُنهي منشوره بالقول: "انا مريت بالفترة دي: ساكت ليه، ما تعمل زي فلان ما تقول زي علان؟ كل واحد و ظروفه و حساباته. لا يكلف الله نفسا الا وسعها. كل واحد ادرى بالضغوط اللي عليه. بلاش نكون احنا كمان سبب زيادة في الضغط عليه. في الاخر كل واحد و رأيه. كل واحد يحب و يكره اللي هو عايزه. لو حبيت صلاح او كرهته انت حر، البوست ده مش حيغير حاجة. و دي صورتي مع فخر العرب، محمد صلاح".